गोरखा : नेकपा माओवादीका महासचिव नेत्र विप्लवले अग्रगामी क्रान्ति गर्न तयार भएमात्र एमाओावदी र वैद्य माओवादीसँग एकता हुने बताएका छन् ।
गोरखाको काफलडाँडामा आयोजित पार्टीकी पोलिटव्यूरो सदस्य उमा भुजेलकी आमा गर्भकुमारीको श्रद्धाञ्जली सभामा बोल्दै महाचिव विप्लवले प्रचण्ड र बाबुरामले जनतासँग गरेको बाचा पूरा गर्न अग्रगामी क्रान्तिका लागि तयार भएमात्रै उनीहरुसँग एकता सम्भव रहेको बताएका हुन् ।
उनले एमाओवादी जनतासँग गरेको बाचा पूरा गर्न तयार भए पार्टी एकता हुनसक्ने पनि संकेत गरे । ‘ अग्रगामी क्रान्तिलाई अगाडि लान तयार भई प्रचण्ड र बाबुरामजी सच्चिएर आउनुभयो भने माओवादी शक्तिहरु एक हुन सम्भव छ’ उनले भने, ‘तर अहिले चर्चा चलेजस्तो वैद्य र प्रचण्डजीहरु एक हुनुको खासै अर्थ छैन ।’
श्रद्धाञ्जली सभामा बोल्दै उनले पार्टी एकता नभए पनि माओवादी शक्तिहरु ध्रुवीकरणचाहिँ हुनसक्ने तर्फ संकेत गरे । कार्यक्रममा बोल्दै विप्लवले विद्यमान राजनीतिक गतिरोधको निकास ‘रोल्पा सहमति’मा रहेको खुलाएका छन् । उनले ‘रोल्पा सहमति’ सबैले एकपटक दोहोर्याउन आग्रह गरे ।
संसदवादी र क्रान्तिकारी पार्टीबीच ०६२ को बैसाखमा भएको ६ बुँदे रोल्पा सहमति अक्षरशः कार्यान्वयन गरेमात्रै सबै समाधान निस्कने उनले दाबी गरे । ‘हामीले नयाँ एजेण्डा र अडान तेस्र्याएका होइनौँ’ उनले भने, ‘रोल्पामा भएको ६ बुँदे सहमति कार्यान्वयन गर भनेका छौं । त्यो कार्यान्वयन भए सबै मतभेद र विवादको निकास आउँछ ।’
संसदवादीले माओवादीको राजनीतिक मुद्दा कार्यान्वयन गर्न पहल गर्ने र माओवादीले सशस्त्र युद्ध रोक्ने सहमति भएको उनले स्मरण गरे ।
सहमति भुलेर संसदवादीहरु भारत र अमेरिकाको पछुवा भएको उनले आरोप लगाए । ‘माओवादी नेताहरु पनि स्वार्थको गोलचक्करमा फसेकाले देश अन्यौलको दलदलमा भासिएको हो’, उनले भने, ‘अहिले रोल्पा सहमति उल्लंघनको चरम सीमामा पुगेको छ । अब हामी संघर्ष गर्छौं ।’
उनले आफूहरुको लडाइँ नेपाली सेनासँग नभएको स्पष्ट पारे । ‘हामीले सेना, नेपाल प्रहरी र सशस्त्र प्रहरीसँग पनि लड्न खोजेका होइनौं’, उनले भने, ‘हाम्रो लडाइँ भ्रष्टचारी र देशद्रोहीसँग हो ।’
उमा भूजेलका दाजु गंगाबहादुरको अध्यक्षतामा भएको शोक सभामा नेकपा माओवादी तमुवान राज्य इन्चार्ज शावित्रा दुरा आस्था, केन्द्रीय सदस्यहरु गुणराज लोहनी, शरदसिंह भण्डारी, गगन थापा र बसन्त श्रेष्ठले पनि मन्तव्य राखेका थिए ।
गोरखाको काफलडाँडामा आयोजित पार्टीकी पोलिटव्यूरो सदस्य उमा भुजेलकी आमा गर्भकुमारीको श्रद्धाञ्जली सभामा बोल्दै महाचिव विप्लवले प्रचण्ड र बाबुरामले जनतासँग गरेको बाचा पूरा गर्न अग्रगामी क्रान्तिका लागि तयार भएमात्रै उनीहरुसँग एकता सम्भव रहेको बताएका हुन् ।उनले एमाओवादी जनतासँग गरेको बाचा पूरा गर्न तयार भए पार्टी एकता हुनसक्ने पनि संकेत गरे । ‘ अग्रगामी क्रान्तिलाई अगाडि लान तयार भई प्रचण्ड र बाबुरामजी सच्चिएर आउनुभयो भने माओवादी शक्तिहरु एक हुन सम्भव छ’ उनले भने, ‘तर अहिले चर्चा चलेजस्तो वैद्य र प्रचण्डजीहरु एक हुनुको खासै अर्थ छैन ।’
श्रद्धाञ्जली सभामा बोल्दै उनले पार्टी एकता नभए पनि माओवादी शक्तिहरु ध्रुवीकरणचाहिँ हुनसक्ने तर्फ संकेत गरे । कार्यक्रममा बोल्दै विप्लवले विद्यमान राजनीतिक गतिरोधको निकास ‘रोल्पा सहमति’मा रहेको खुलाएका छन् । उनले ‘रोल्पा सहमति’ सबैले एकपटक दोहोर्याउन आग्रह गरे ।
संसदवादी र क्रान्तिकारी पार्टीबीच ०६२ को बैसाखमा भएको ६ बुँदे रोल्पा सहमति अक्षरशः कार्यान्वयन गरेमात्रै सबै समाधान निस्कने उनले दाबी गरे । ‘हामीले नयाँ एजेण्डा र अडान तेस्र्याएका होइनौँ’ उनले भने, ‘रोल्पामा भएको ६ बुँदे सहमति कार्यान्वयन गर भनेका छौं । त्यो कार्यान्वयन भए सबै मतभेद र विवादको निकास आउँछ ।’
संसदवादीले माओवादीको राजनीतिक मुद्दा कार्यान्वयन गर्न पहल गर्ने र माओवादीले सशस्त्र युद्ध रोक्ने सहमति भएको उनले स्मरण गरे ।
सहमति भुलेर संसदवादीहरु भारत र अमेरिकाको पछुवा भएको उनले आरोप लगाए । ‘माओवादी नेताहरु पनि स्वार्थको गोलचक्करमा फसेकाले देश अन्यौलको दलदलमा भासिएको हो’, उनले भने, ‘अहिले रोल्पा सहमति उल्लंघनको चरम सीमामा पुगेको छ । अब हामी संघर्ष गर्छौं ।’
उनले आफूहरुको लडाइँ नेपाली सेनासँग नभएको स्पष्ट पारे । ‘हामीले सेना, नेपाल प्रहरी र सशस्त्र प्रहरीसँग पनि लड्न खोजेका होइनौं’, उनले भने, ‘हाम्रो लडाइँ भ्रष्टचारी र देशद्रोहीसँग हो ।’
उमा भूजेलका दाजु गंगाबहादुरको अध्यक्षतामा भएको शोक सभामा नेकपा माओवादी तमुवान राज्य इन्चार्ज शावित्रा दुरा आस्था, केन्द्रीय सदस्यहरु गुणराज लोहनी, शरदसिंह भण्डारी, गगन थापा र बसन्त श्रेष्ठले पनि मन्तव्य राखेका थिए ।
No comments:
Post a Comment