धुवाँको मुस्लोसहित जेट एयरवेजको विमान काठमाडौं एयरपोर्टमा अवतरण: सबै यात्रु सकुशल

धुँवाको मुस्लोसहित जेट एयरवेयजको विमान सोमबार काठमाडौंको त्रिभुवन विमानस्थलमा अवतरण भएको छ ।

हात्तीबन स्थित माउन्टभ्यु रेसिडेन्सीका वासिन्दाहरुले प्लेनमा धुँवाको मुस्लो देखेको रातोपाटीलाई बताए ।

एयरपोर्टका अधिकारीका अनुसार घटना त्यति ठूलो नभएको बताए । ‘प्लेन ल्याण्ड हुने बित्तिकै अग्नि नियन्त्रकहरु प्लेनमा पुगको तर घटना त्यति ठूलो रहेनछ,’ उनले भने । सबै यात्रु सकुशल रहेका छन् ।

शुरुमा प्लेन तातिएर धुवाँ निस्किएको हुन सक्ने आशंका व्यक्त गरिएको थियो । त्रिभुवन अन्तरराष्ट्रिय विमानस्थलका प्रहरीका अनुसार चरो ठोक्किएपछि विमानको इञ्जिनमा आगो लागेको बुझिएको छ।

जेट एयरवेज हात्तिसारका अनुसार प्लेन भारतको मुम्बाईबाट आइरहेको थियो । ‘त्यस्तो केही पनि ठूलो भएको हैन । सामान्य घटना मात्र हो । सबै कुरा अहिले नियन्त्रणमा छ,’ एक कर्मचारीले बताइन् ।

साभार: राताेपाटि