सिके राउत फेरी पक्राउ

प्रहरीद्वारा भिड हटाउन लाठी चार्ज

 रंजन भण्डारी/ राताेपाटि

जलेश्वर,पौस १३ गते महोत्तरीको जलेश्वरमा आईतवार सिके राउतको सम्बोधन कार्यक्रमका जाँदै गर्दा उनलाई बाटोबाटै  पक्राउ गरिएको छ । जलेश्वरको दुर्गा चौकमा रहेको कार्यक्रमलाई सम्बोधन गर्न जाँदै गर्दा बाटोमा पर्ने पिपरा गाविसमा प्रहरी टोलीले पक्राउ गरेको हो ।

सुरक्षाको कारण देखाउदै पक्राउ गरिएका सिके राउतको समर्थनमा हजारौको संख्यामा जनता आएका छन । पक्राउ गरिएका सिके राउतलाई जिल्ला प्रहरी कार्यालय महोत्तरी, जलेश्वरमा ल्याउदा प्रहरी कार्यालय भन्दा सय मिटर अगाडि नै जनताले प्रहरीको गाडी रोकेर राउतलाई छोडन नाराबाजी गरेका थिए ।

प्रहरी भ्यानलाई जिल्ला प्रहरी कार्यालय भित्र छिराउन प्रहरीद्वारा लाठी चार्ज गरिएको छ । राउत समर्थकबाट पनि केहिले ढुगाँ मुढा प्रहरी तिर फ्याकेका छन् ।