गाेरखाकी युबतिकाे नुवाकाेटमा हत्या

कपिलदेव खनाल (इमेज)

नुवाकोट, मंसिर २४ । महिला हिंसाविरुद्धको अभियान चलिरहेका बेला नुवाकोटमा गोरखाको थलाजुङ–९ की २४ वर्षीया रीता गुरुङ मृत अवस्थामा भेटिएकी छन् । नुवाकोटको सुनखानी–७ सिस्नेरीस्थित जंगलमा उनलाई ‘हत्या’ गरेर फालेको आशंका प्रहरीले गरेको छ ।

मृतक गुरुङको मुखबाट रगत निस्किएको, शरीरको तल्लो भागको कपडा फुकालिएको तथा विभिन्न स्थानमा चोट लागेको अवस्थामा जंगलमा शव भेटिएको प्रहरी निरीक्षक प्रद्युम्न अधिकरीले जानकारी दिए ।

घटनाको सम्बन्धमा अनुसन्धानका लागि गणेशस्थान–४ का अजित ढकाललाई प्रहरीले नियन्त्रणमा लिएको छ । मृतक गुरुङसँग लामो समयदेखि चिनजान रहेका अजितले उनलाई नुवाकोट घुमाउन ल्याएको प्रहरीको प्रारम्भिक अनुसन्धानमा खुल्न आएको छ ।

पक्राउ परेका ढकालको बा६४प २२३ नम्बरको मोटरसाइकल प्रहरीले घटनास्थल नजिकैबाट नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।